Ibraawe 12

5 Xoozii fa qaaltte, fa na7unts fana yinttana zoridanno botida.✝12:5-6 Iyo. 5:17; Aazi. 3:11-12

«Ta na7ayo, Xoozze seere leqqippe;

E nena seerize wode ufayssi gachchippe.

6 Laatstsii fa kadhize atstsa seerane;

mahi fa na7a fana ekkiza ubba garaafane»

yagayda. 7 Xoozii yinttana fa na7unts fana seerize wode genccote; Aday seeroosse na7ay oode? 8 Xoozii fa na7untsana ubba seerane; yin seerinttanxiko turii E na7a baayzin balako na7a. 9 Mahi nuna yelide nu aduntsi nuna seerane; nuunin unttana bonchchane. Yeezin, nuunii de7o yessades nu ayyaana Ades wayzi aadhii aqoso?