Lucas 19

Yesuusa damma bonchchora Yerusalaame gelida

28 Yesuusa yinno ohidannippa suuba unttappa tiino aadhii yedhdhii Yerusalaame qitida. 29 Shamahe Derizella*19:29 Shamahe dere: Shamahe gaama dolize dere ga7inttane. afa yeze Beetefaagen Bitaaniya ukkide wode fa tamaaruntsappa lam77untsana yaga7i kiittida: 30 «Yin tiino yeze kara gancce qitote, yin yeyga yellize wode ooden toggikaayze acinttii yeze hyare na7a demmada. Eza billii hyayga ekkii yo7ote. 31 Ooden, ‹Akkos bille?› ga7i oociko, ‹Laatstsii eza koyane› yaga7ote» yagayda.

32 Kiitinttiduntsi hyanggi E gaydanni fana yi7in bi7ida. 33 Un hyare na7aya billodera laatstsuntsi bi7i, «Hyare na7aya akkos bille?» yagayda.

34 Un mahi, «Laatstsii eza koyane» yagayda.

35 Yeygappa hyare na7aya Yesuusago ki7ida. Fa ma7ito hyare na7ay bantte gaddii Yesuusa hyare na7ayilla betitsida. 36 Asuntsin E yedhdhize ogitilla fa ma7ito yiixxida.

37 Shamahe dere sulle wodhdhize ogizego ukkize wode faydora loytsii gaama asuntsana un bi7i kille bazite ufaytti fa qaaltto dhoqi yiizii,

38 «Laatstse suntsite ye7ize kaatize anjjinttidaya

salo gidda saro

Ubbappa dhoqqa salo bonchcho

Xoozis maaqqe.»

Yaga7i Xooz galatida.✝19:38 Maz. 118:26

39 Asunts giddappa fettii fettii Farisaawuntsi Yesuusago, «Asttamaarizayo, ne tamaaruntsana hyayzote ga7i kacco» yagayda.

40 E unttago, «Un si77i gayko shuchchuntsi uukkoda» yagayda.