22 Wafunda wa Malagaliru ga Musa yawalawiti Yerusalemu walongiti, "Ayu kana Belizebuli! Mkulu gwa washamshera ndo yakamupanana makakala ga kuwalaviya washamshera."
23 Yesu kawashema, kawagambira kwa mifanu, "Kwa ntambu ashi Shetani kamlaviyi Shetani myaguwi? 24 Ufalumi pawupalangika, ufalumi hapeni ugoloki. 25 Viraa kaya payipalangika, kaya ayi hayiyagamili. 26 Handa Shetani pakalilema mweni pakawera kapalangika, hapeni kagoloki kumbiti upereru wakuwi usoka.
27 "Kwahera muntu yakaweza kwingira mnumba mwa muntu yakawera na makakala, kumbiti huti kamtawi muntu ulii. Shapakanu hakawezi kuvitola vintu vyoseri.
28 "Nukugambirani nakaka, wantu hawalekiziwi vidoda vyawu vyoseri na mayigilangu gawu goseri. 29 Kumbiti muntu yoseri yakamwigilanga Rohu Mnanagala hapeni kalekiziwi nakamu, toziya vidoda avi vyankulikala mashaka goseri." 30 Yesu katakuriti hangu toziya wantu wankulonga, "Kana washamshera."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)