16 Pwe se so idauenda kasoi widing ni at padaki ong komail duen manaman en atail Kaun Iesus Kristus, o a kotin pan sapaledo, a pein kit kilanger a lingan. 17 Pwe ni a kotin aleer wau o lingan sang ren Kot Sam ni ansau ngil eu peidido sang nan lingan lapalap katitiki: Iet nai Ol kompok, me I kin peren kida. 18 Ngil wet, me peidido sang nanlang, se ronger ni at iang i mimieda pon dol saraui.
Domínio Público. Esta tradução bíblica de domínio público é trazida a você por cortesia de eBible.org.