1 ✝ 2:1 1 थीसलुनीकीयो 4:15-17 ए भायु, अने बेन्‌या, हाव आमु आपणा ईसु मसी ने आव्‌वा ना, अने तीनीन्‌तां एकठा हयवा ना बारा मे तमारी पांह वीन्‌ती करया। 2 अने कानी भगवान नी खबर, नीता बोलु, नीता चीट्‌ठी नी लारे मान लेवो जे अमारीन्‌तां गेथी हय अने आहयु ह़मजाड़े के मालीक ना दाड़ा आय ज्‌या ता तमारा मन मे उचकाहलात कमजोर नी हयजो अने नी दुखी हय जो। 3 कानी बी रीते कोयना धोका मे नी आवजे, काहाके जत्‌यार तक भगवान ना वीरोद मे आखरी वीरोद नी हये तां तक, अने तीहया वेरी माणहे ने नरक मे नाखीन खत्‌तम नी कर देय, तीहयो उजन्‌तो नी हये। 4 तीहयो वेरी भगवान नो भक्‌ती नी चीज नो वीरोद करे, अने आखा माणहु ने चोखलो नीता भगवान केवाड़े, नीता आह़फा ने मोटो बणावे, आञे तक के तीहयो भगवान ना मंदीर मे बहीन आह़फा ने भगवान बणावे।