फीलीपीयो 2

कळी मे वीजाळुन तेम पपलो

12 आनी लेदे ए मारा मोंगाळ्‌ळा भाय अने बेन्‌या, जीसम तमु हमेसा गेथा हुकम मान्‌ता आय र्‌या, हेमेत हाव बी नी नीस्‌ता मारी ह़ाते रेता जाय्‌न पण खास करीन हाव मारी सी सेटा रीन बी बीहता अने कापता जाय्‌न आपणा-आपणा छुटकारा नु काम पुरु करता जावो। 13 काहाके भगवाननेत से, जे आपणु मोंग नु काम पुरु करवा ना लेदे तमारा मन मे वीच्‌यार नाखे, अने तीनी अनसारे काम करवा नी ताखत बी आपे।

14 आपणा आखा काम बड़बड़ कर्‌या वगर अने पाड़ोपाड़्‌या वगर कर्‌या करो। 15 के तमु वण-गुनाळ्‌ळा अने भोळा हय्‌न वाकला अने हटाळा माणहु ना वच मे भगवान ना वण-गुनाळ्‌ळा अवल्‌यात बणीन रेवो, तीमनी वच मे तमु जीवाय नो बोल लीन कळी मे धप्‌तला दीवा नी तेम देखाय देवो, 16 के मसी ना आव्‌वा ना दाड़े मने घमंड करवा नो कारण हये के नी मारो दवड़ो अने नी मारी मेहनत करवा नु फाल्‌तु हयी।