पोलुस नी लारे पतरस नो वीरोद
11 पण जत्यार पतरस अंताकीया मे आयो ता मे आखा माणहु नी अगळ तीनु वीरोद कर्यो, काहाके तीहयो पुरी रीती सी गलत हतो। 12 आनीन करते के याकुब भणी गेथा थोड़ाक माणहु आञे आव्वा सी पेले, पतरस आड़जात्या भरहो करन्या ना ह़ाते खाया-पीया करतो हतो। पण जत्यार तीहया माणहु पुग्या, ता पतरस खतनु करला माणहु नी बीक ना लेदे तीमनी सी सेटो हय ज्यो अने एक धेड़े हयवा बाज ज्यो। 13 अने तीनी ह़ाते बचला युहदी माणहु आहया ढोंग मे बी पतरस नो सात देदा अने कपट कर्या, आनी लेदे बरनाबास बी तीमना ढोंग मे पड़ ज्यो।