सारा अने हाजीरा नो दाखलो
21 तमु जे कायदा ना हक मे हयवा हींड र्या, मने केवो, ह़ु तमु कायदा नी ह़मळतला नी? 22 चोखली सास्तर मे लीखलु से, के अब्राहम ना बे सोरा हया; अने एक छुट्टी बयर सी अने बीजो सोरो पावर्याण सी। 23 पण जे पावर्याण सी हयो, तीहयो डील ना रीते पयदा हयो, अने जे छुट्टी बयर सी हयो, तीहयो वायदा ना लारे पयदा हयो। 24 आहयी वात मे दाखलो से, आहया बयरा मानो बे वायदा से, एक ते सीने बड़ा नी जीनी सी पावोरेत पयदा हये; तीहयी हाजीरा से। 25 अने हाजीरा मानो अरब नो सीने बड़ो से, नवलु यरुसलेम तीनीन तेम से, काहाके तीना सोरा भेळ गुलामी मे से। 26 पण उपर ह़रगे वाळो यरुसलेम छुट्लु से, अने तीहयी अमारी आय्ह से।