ह़रग राज मे मोटु कोय?
1 18:1 लुका 22:24 तीहयी टेमे चेला ईसुन्तां आवीन पुछ्या, ह़रग राज मे आखा सी मोटु कोय से? 2 ईसु एक नान्लु सोरु ने बोलायो अने तीने तीमनी वच मे उबो कर्यो, 3 18:3 मरकुस 10:15; लुका 18:17अने केदो, मे तमने ह़ाचलीन केम, कदी तमु नी फीरो अने सोरान तेम नी बणो, तां तक ह़रग राज मे नी भराय सके। 4 एतरे जे कोय बी आह़फा ने आहयु नान्लु सोरुन तेम नीचळो बणावहे, तीहयो ह़रग राज मे आखा करते मोटो रेहे। 5 अने जे कोय बी मारा नामे आवु नान्लु सोरु नो आव-भाव करे तीहयो मारोत आव-भाव करे।
ठोकर खवाड़वा वाळा पोर गरा
(मरकुस 9:42-48; लुका 17:1-2)
10 18:10 लुका 19:10 चेतीन रेवो! जे मारी पोर भरहो करे, तीमनी मे जे नान्ला से, तीमने बी तमु हेटा नी ह़मज्जो। काहाके मे तमने देखाड़ु के ह़रग मे आमना ह़रगदुत आमनी जुगु मारा बाह नी अगळ वीन्ती करवा नी लेदे हमेसा हजुर रेय।