भेट आपवा ना बारा मे ह़ीकापण
1 6:1 मत्ती 23:5 चेतीन रेवो! भगवान ने गमे तीहया धरम ना कामु ने माणहु अगळ देखाड़वा करीन ना करो, ईसम करहु ता तमने ह़रग वाळा बाह भणी गेथो फोळ कदी नी जड़े। 2 एतरे जत्यार तमु काना गरीब दुखी ने दान आपो, ता तीहयी वात ने आखा अगळ ना केवो, जीसम के भक्ती ना घोरु अने गळी मे ढोंगड़ा करन्या माणहु बीजा पांह बड़ाय हात करवा करीन करे। मे तमने ह़ाचलीन केम, तीमने तीमनी बड़ाय नी लारे पेलेत फोळ जड़ जेलु से। 3 एतरे जत्यार तमु दान आपो, ता तमारो डाखर्यो हात आहयु नी जाणवा जोवे के तमारो जमणो हात ह़ु करवा बाज र्यो। 4 के तमारु दान ह़तायलु रेहे। ता तमारो भगवान बाह जे तु ह़ताड़ीन करे तीने बी देखे, तीहयो तने तीनु ईलाम आपहे।
वीन्ती करवा नी ह़ीकापण
(लुका 11:2-4)
6 पण जत्यार तु वीन्ती करे, ता आह़फा ना घोर मे जा अने झापलु दीन ह़ताय्न आपणा भगवान बाह सी वीन्ती कर। तत्यार तारो बाह जे ह़ताय्न देखे, तने फोळ आपहे।