Lucas 1

11 ओच बेरा मा पिरभु को सरगदूत ओला धुप वेदी*1:11 एक बरतन जोनमा स्‍तो रखकर सुगँधित द्रव्य जलावासे। को उज्जो कन चोवयो। 12 जकरयाह डराय गयो, अखीन ओको "घिघगि बंध गयो।" 13 पर सरगदूत*1:13खास स्वरगीय जीव जोन परमेस्वर को काम करासेत। न ओला सांगिस, "ओ जकरयाह, भेव नोको खावजोस, काहेका तोरो पिराथना परमेस्वर ना आयक, लेइस। अखीन तोरि बायको एलीसीबा लक, तोरो लाय एक टूरा होहेत, अखीन तु वोको नाव योहन राखजोस। 14 तोला खुसी होहे। अखीन गजब लोकगीन, वोको जनम को कारन, खुसी मनाहेत। 15 काहे का उ पिरभु को पुढ़ा, मा महान होयेत। अखीन अंगूर को रस, अर दारु, कभी नही पिहेत। अखीन उ आपरो माय को पोट लक, पवीतर आतमा लक भरो होयेत। 16 अखीन भटको हुओ, इसरायल*1:16 इसहाक को टूरा याकूब जोन बारा गोत को अजी भयो। को गजब लोकगीन ला, उनको परमेस्वर को रास्ता मा आनेत। 17 उ एलिय्याह*1:17 जूनो करार को लगत मोठो भबिस्यवक्ता को आतमा अखीन ताकत मा, पुढा-पुढा चलेत, क आजा पुरखागीन को मन ला, लेकरा-बारा मा लगा देहेत। अखीन हुकूम नही मानन वालो ला, नेक बना देहेत। अखीन पिरभु को लाई, साजरो लोकगीन ला, तैय्यार करयेत।"