Lucas 1

जकरयाह को भजन

67 योहन को दादजी जकरयाह, पवीतर आतमा लक भर गयो। अखीन असो कव्हत, आवन वारो गोस्टी साँगन लग्यो।

68 धन्य से इसरायल को परमेस्वर, वोना आपरो लोकगीन को सूधी लेवासे,

अखीन उनको मोक्स करोसे। 69 अखीन आपरो दास दाऊद को घराना,

लक एक सूटकारा देवन वालो

सींग*1:69यो ताकत को निसान से। हिटिसे। 70 उ आपरो पवीतर भविस्यवक्ता को टोन्ड ले,

पूरानो जमाना लक, यो कव्हतो आयो सेस। 71 क उ बैरी अखीन सब

बैरी हुन को हात लक,

हमीला सूटकारा करीसेस। 72 का आमरो बाबूजी दादजी पर

दया करके आपरी

पवीतर वायदा ला हेत करयेत। 73 वोना किरया खायके ना,

हमारो पुरखा अबराहम लक, असो सांग्यो होतो। 74 क उ हमारो दुस्मन को हाथ लक,

हमीला छुड़ाय लेहेत।

75 जोन को लक हमी बेधड़क,

पवीतर, अखीन न्यायी पन लक

वोको सेवा करयेत। 76 उ टूरा सब लक मोठो परमेस्वर को भविस्यवक्ता कहलाव जोस,

तू पिरभू को पूढ़ा चलन वालो दूत बनजो!

तू वोको मारग

तैय्यार करजो। 77 अखीन वोको लोकगीन ला,

उनको पाप छिमा को कन लक,

मुकती को गियान देवजोस। 78 हमारो परमेस्वर को यो माया,

अखीन दया लक, हमी ला सरग लक,

उजाड़ो मिलहेत। 79 जेनको लाय उ इन्धीयारो अखीन,

मरन को सावली मा, जो लोग बस्यो से,

वोला उजाडो देवजो! अखीन हामरो पाय ला सान्ती को रास्ता मा ले जाहेत।