Mateus 20

दुई अँधरा ला साजरो करनो

29 जबा वय यरीहो नगर लक हिटत होतीन, ता एक मोठी भीड़ ओको मंघा भयी गयीन। 30 अना दुई अँधरा रास्ता को किनार मा बसया होतीन। असो आयक के का यीसु जाय रहीसे, हाकलके कव्हन लगीन "हे पिरभु दाऊद की सँतान हमरो पर रहम कर।"

31 लोक गीन उनला डटकार के कहिन "उगो-मूगो रव्हो।" पर वय अखीन चिल्लाय के कहिन, "हे पिरभु दाऊद को सन्तान हमरो पर रहम कर।"

32 तबा यीसु ना उभो होयके, हाकलके कहीस, "तुमी का चाव्हासेव, मी तुमरो लाय काजक करू?"

33 उनना ओको लक कहिन, "हे पिरभु आमरो डोरा उघड जाय।"

34 यीसु ना तरस खायके उनको डोरा ला छुईस अना वय देखन लगीन, अना ओको मंघा होय गईन।