Mateus 4

यीसु को परिक्सा खो जानु

1 `वोना बेरा आतमा यीसु ला जंगल मा ले गईस, का सैतान वोकी परिक्सा लेहे।✝4:1इब्रानियो 2:18; 4:15 2 यीसु चाड़ीस दिवस, अना चाड़ीस रात लक उपास करतो रहयो, मंग वोला भुख लगी। 3 तबा परखन वालो ना ओको जवर आयके कहीस "अदी तु परमेस्वर को टूरा सेस ता कव्हका यो गोटा भाखरी बन जाए।"

4 यीसु ना जवाब देइस, का" गिरंथ मा असो लिख्यो से, मानूस सिरफ जेवन च लक नही, जित्तो रव्हासे, पर हरेक सबद जोन परमेस्वर को टोन्ड लक हिटासे वोको लक जित्तो रव्हासेत।"

5 तबा सैतान यीसु ला पवीतर नगर मा लेगइस अना ओला मंदिर करसा को वरता मा उभो कर देइस। 6 अना ओला कहीस "अदी तु परमेस्वर को टूरा आस, ता खाल्या कुद जाय, काहे का पवीतर गीरंथ मा लिख्यो से, उ तोरो बारे मा आपरो सरगदूत गिनला हुकूम देहे, अना वय तोला हातो-हात उचल लेहेत। कहीं असी ना होय का तोरो पाय मा ठोकर लगे।"✝4:6भजनसंहिता 119:11-12

7 यीसु ना ओला कहीस, "पर पवीतर गीरंथ मा असो भी लिख्यो से, अपरो पिरभु मोठो परमेस्वर की परीक्सा नोको लेवजोस।"✝4:7नेम को किताब 6:16

8 मंग बालजबूल ओला एक लगत मोठो पहाड़ पर ले गईस, अना सारो जग को राज माया महिमा चोवाय के 9 ओला कहीस "अदी तु टोंगरा टेकके मोरी आराधना करजोस, ता मि यो सब काही तोला दे देहू।"

10 तबा यीसु ना ओला जवाब देइस, "हट जाय सैतान! काहेका धरम की किताब मा लिख्यो से , तु अपरो पिरभू व परमेस्वर की आराधना करो अना अखिन वोकिच सेवा करो"।✝4:10नेम को किताब 6:13

11 एको पर सैतान वोला सोड़के चली गयो अना सरगदुत आयके वोकी सेवा करन लगीन। *4:11सेवा करनो

गलील मा यीसु को सेवा को सुरुवात

12 जबा यीसु ना यो आयकीस, का योहन धराय गयो से। ता उ गलील नगर ला चली गयो।✝4:12मत्ती 14:3; मरकुस 6:17; लूका 3:19-20 13 अना उ नासरत नगर ला छोडके कफरनहुम नगर मा रव्हन लगयो। जो झील को जवर जबूलून अना नप्ताली को देस मा से।✝4:13योहन 2:12 14 असो परकार लक यसायाह भविस्यवक्ता को कव्हयो गयो गोस्टी पूरो भयो।

15 "जबूलून अना नप्ताली को देस, झील को रास्ता लक यरदन नदी को वोनागन,

गैर यहुदीगीन को गलील

16 जोन लोक अंधार मा बसी होतीन,

उनना मोठी उजाड़ो चोविन,

अना जोन मरन को देस अना सावली मा बसी होतीन,

उन पर उजाड़ो चमकयो।"✝4:16यसायाह 9:1-2

17 ओना बेरा लक यीसु ना पिरचार करन लगयो का "पाप लक मन ला हटाव मन फिराओ काहे का सरग को राज जवर आई से।"*4:17मन को बीचार बदलो ✝4:17मत्ती 3:2

पयलो चेलागिन ला हाकलनो

18 यीसु गलील को झील को जवर, हिंड रहयो होतो, ओना दुई भाऊ गीन समौन जेनको नाव पतरस भी कहलावसे, अना ओको भाउ अन्दिरयास ला झील मा जाल डाकत चोविस; काहे का वय धिवर होतीन। 19 यीसु ना उन लक कहीस "मोरो मंघा आव, ता मि तुमला मसरी धरन की जघा लोकगीन ला परमेस्वर को राज मा आननो सिकाहु।" 20 वय तुरुत जाल ला सोड़के ओको मंघा चलन लगीन।

21 वहान लक पुढा बढ़नो पर यीसु चोवयो का जबदी को टूरागिन याकूब, अना योहन दूई भाऊगीन अपरो बाप जबदी को संग नाव मा जाल ला तैय्यार करत होतिन। ता यीसु न उनला हाकलीस, 22 वय तुरूत नाव अना आपरो बाप ला सोड़के वोको मंघा चली गईन।

यीसु लक रोगिगिन ला साजरा करनो

23 यीसु सारो गलील मा हिंडत-हिंडत उनको पिराथना घर मा सिक्सा देवन लगयो होतो। अना राज को साजरो बारता को बारे मा सांगत होतो। अखीन लोक गीन की हर बीमारी, अना कमजोरी, ला साजरो करत होतो।✝4:23मत्ती 9:35; मरकुस 1:39 24 अना वोको नाव सफा सीरिया देस मा, फैल गयो। अखीन लोकगीन सप्पा बीमार ला, अना दुखी मानूस गीन ला अना जिनमा भुत-पलित झोमयो होतिन, मिरगी वारा, लकवा वारा ला ओको जवर आनीन। अना उ उनला साजरो करत होतो। 25 गलील अना दहानगर मा येरुसलेम नगर, यहुदिया छेतर अना यरदन नदी को ओनांगन लक भीड़ ओको मंघा भय गई।