रोमियो 10

12 अबा यहूदी अना गैर यहुदीमा काही भेद-भाव नही सेत, एको लाय उ सबको पिरभू सेत। अना आपरो सब नाव लेवन वारा पर दया करासेत। 13 "काहेका जोन कोनी पिरभू को नाव लेहेत वो बचायो जाहेत।"

14 पर जोन पर उनना भरोसा नही करीसेस वय वोका कसो नाव लेहेत? अना जोन को बारेमा नही आयकिसेस, वोको पर कसो भरोसा ठेहेत? अना मुनादी करन वारा को बिना वय कोन लक आयकेत? 15 अना यदी मुनादी करनवारा ला धाडयो ना जाय, तो कसो सांगेत? जसो का गिरंथ मा लिख्यो सेत, "उनको पाय कितरो खुबसुरत अना साजरो सेत, जोन साजरो बारता आयकावसे?" 16 पर सबना उ साजरो बारता पर कान नही लगायो। भविस्यवक्ता यसायाह कव्हसेत "ओ पिरभू कोन ना आमरो साजरा बारता पर भरोसा ठेविसेस।" 17 एकोलाय भरोसा आयकन लक, अना आयकनो मसीह को बचन लक होवासेत।