1 तुमरो मा लडाई अना झगड़ा कहान लक आई गइन? का वोनो सुख सुबितागीन लक नही जोन तुमरो अंग गीन मा लड़त-भीड़त से? 2 तुमी ता आस राखा सेव अखीन तुमला नही मिला एकोलाय तुमी जान लक मार डाकासेव तुमी जरन करासेव अना मंग तुमीला नही भेटेत ता तुमी झगड़ा राड़ करासेव। तुमला एकोलाय नही भेटत का तुमी नही मांगासेव। 3 काहेका तुमी बुरी आस लक मंगा सेव एकोलाय तुमी मंगा सेव पर तुमी ला नही भेटत, अपरो भोगविलास मा खरचा कर देवो। 4 अरे पापी छिनालापन करन वालो मी तुमला नही जानासेउ का संसार लक मिताई जोड़न वारा परमेस्वर को सतरु बननोसे? अना जोन कोनी संसार को संगी होवनो चाव्हसे उ अपरो आप ला परमेस्वर को बैरी बनावासे। 5 का तुमला असो समझा से का पवितर गिरंथ मा गलत कव्हसे "जेना आतमा ला हमरो भीतर बसाइसेस का उ असी कामना करासे जोन को परिनाम डाय होहे?" 6 उ त अखीन भी आसीरवाद देवासे एना कारन यो लिखी से "परमेस्वर गरबिला गीनको बिरोध करासे पर गरीब गीन पर किरपा करासे।"

7 एकोलाय परमेस्वर को सरन मा होय जावो; अना सैतान को सामना करो त उ तुमरो जवर लक पराय जाहे। 8 परमेस्वर को जवर आव त उ भी तुमरो जवर आहे। अरे पापी गीन अपरो हात सुध्द करो; अखीन अरे भटकया हुया लोक गीन अपरो मन ला पवीतर करो। 9 दुखी होवने अना सोक करो अना रोवो। तुमरी हासी सोक मा अना तुमरो खुसहाली उदासी मा बदल जाहे। 10 पिरभु को पुड़ा गरीब बनो त उ तुमला उचो महान बनाय देहे।

11 अगा भाऊ एक दुसरो की बदनामी नोको करो। जोन अपरो भाउ की बदनामी करासे अना भाउ पर दोस लगावासे उ करार की बदनामी करासे अखीन नियम पर दोस लगावासे अना अदी तु करार पर दोस लगवासे त तु नियम मानन वालो नही पर तु वोको पर मुकदमा करन वालो ठहरायो जाजोस। 12 देख-रेख देवन वालो न्यायी करनवालो त एकच से जोन बचा वन अना नास करनो मा ताकत से पर तु कोन से जोन अपरो सेजारी पर दोस लगावासेस?

13 तुमी जोन यो कव्हसेव "आज नही त काल हमी अखीन कोनी नगर मा जायके वहान एक बरस बितावबो अना धन्दा करके कमावबो।"

14 अखीन यो नही जानासेव का काल काजक होहे आयक त लेव लेने तुमरो जीवन से का? तुमी त धुंगा को जसो सेव जोन जरासी बेरा चोवासे अना लोप भईजासे। 15 एको विपरीत तुमला असो कव्हनो चाव्हसे का "अदी पिरभु चाहे त हमी जित्तो रहबो अना उ काम भी करबीन।" 16 पर अबा तुमी अपरो डींग मारनो*4:16 आपरो बड़ाई पर घमंड करासेव असो सबा घमंड बुरो होवासे।

17 एकोलाय जोन कोनी भलाई करनो जानासे अना नही करा वोको लाई यो पाप से।