Жаратылыстың баст. 12

Құдайдың Ыбырамды таңдап алып, сол арқылы барлық халықтарды жарылқауы

1 Жаратқан Ие Ыбырамға*12:1 11:26-ге берілген түсініктемені қ. сөзін арнап былай деп бұйырған еді:

«Сен еліңді, туған-туысқандарыңды және әкеңнің үйін тастап, Мен өзіңе көрсететін елге көш!

2 Мен сенен үлкен халықты өрбітіп таратамын,

Сені жарылқаймын әрі атыңды шығарамын.

Сен арқылы ақ батам басқаларға да жететін болады.

3 Саған ақ батасын бергендерді Мен жарылқаймын,

Ал кім сені жамандап қарғаса, соны Мен қарғаймын.

Сен арқылы жер бетіндегі бар ұлттар*12:3 Яки: барлық әулеттер. жарылқанады».