Жаратылыстың баст. 9

4 Алайда қанын шығармай тұрып, олардың етін жеуші болмаңдар, жаны қанында ғой. 5 Ал егер сендердің қандарың төгілетін болса, Мен сол үшін есеп беруді талап ететін боламын. Кез келген аңнан және кісіден адамның өмірі үшін есеп беруді талап етемін. 6 Кімде-кім адамның қанын төксе, оның да қаны адам арқылы төгілетін болады, себебі Құдай адамды Өзіне (рухани жағынан) ұқсас етіп жаратты.*9:6 Осымен Құдай Өзінің алдында адам баласының қандай құнды екенін көрсетті. Кейін Ол адамдардың өз беттерімен кек алуларына рұқсат етпей, адам өмірін қорғауды билік иелеріне тапсырды (Рим 13:4).