Жақыптың хаты 3

9 Біз тілімізбен Жаратқан Ие — Құдай Әкеге алғыс айтып, Оны дәріптейміз. Алайда Құдай рухани жағынан Өзіне ұқсас етіп жаратқан адамдарды*3:9 Жар 1:27. сол тілімізбен қарғаймыз да! 10 Осылайша алғыс та, қарғыс та бір ауыздан шығады.*3:10 Пет1 3:9; Рим 12:14.

Бауырластарым менің, бұлай болмасын! 11 Бұлақ көзінен бір мезгілде тұщы да, ащы да судың шығуы мүмкін бе? 12 Бауырластарым, ойлаңдаршы: өрік*3:12 Немесе: інжір (Мат 7:16; Лұқ 6:44). ағашы зәйтүн жемісін немесе жүзім бұтасы өрік жемісін бере ала ма? Әрине, бермейді. Дәл сол сияқты, ащы су шыққан бұлақтан тұщы су да шықпайды.