O aviba e Svetone Duhosoro
1 Kad alo o prazniko o Pentekost, o pindato dive palo prazniko Pasha, sare inele zajedno ko jekh than. 2 Otojekhvar taro nebo šundilo nesavo zvuk, sar kad phudela i zorali barval, hem pherđa sa o čher ano savo on inele. 3 I dikhle nešto sar jagale jezici, save delinde pe hem huljile upro svako olendar. 4 Hem sare pherdile e Svetone Duhoja hem lelje te vaćeren ano avera jezici sar so dela len ine o Duho te vaćeren.
16 Nego, akavai adava sostar vaćerđa o proroko o Joil:
17 ‘Ko poslednja dive – phenela o Devel –
ka čhorav mle Duho upro sa o manuša,
hem tumare čhave hem čhaja ka prorokujinen,
hem tumare terne čhaven ka ovel vizije,
hem tumare purane ka dikhen sune.
38 A o Petar phenđa lenđe: "Pokajinen tumen hem svako tumendar te krstini pe ano anav e Isuse Hristesoro zako oprostiba tumare grehengoro, hem ka priminen e Svetone Duho sar daro.
41 Tegani krstinde pe okola kola prihvatinde lesere lafija. Ađahar adava dive đi sar trin hiljade manuša pridružinde pe e učenikonenđe.