44 Ki pustinja amare pradaden inele Šatori oto svedočanstvo, savo inele ćerdo ađahar sar so naredinđa Okova kova phenđa e Mojsijase te ćerel le palo nacrt savo dikhlja. 45 Amare pradada priminde le hem, legarde e Isuse Navinestar, ande le ani phuv e manušengiri kola na džande e Devlese kolen o Devel ispudinđa adathar anglo lende. O šatori ačhilo adari sa đi o vreme e carosoro e Davidesoro. 46 O David arakhlja milost anglo Devel, hem rodinđa lestar te šaj te vazdel čher e Jakovesere Devlese. 47 Ali o Solomon inele adava kova vazdinđa lese čher.
48 Ali, o Najbaro Devel na bešela ano čhera savei ćerde e manušengere vastencar, sar so phenela hem o proroko:
49 ‘O Gospod vaćeri:
O neboi mlo presto,
a i phuv than kote čhivava mle pre.
Savo čher tumen šaj te vazden maje?
Ili kaj o than mle odmoribnasoro?
50 Na ćerđa li mlo vas sa akava?’
/images/a/b347f3da-bc75-400b-e6b5-a5eca2abe600)
/images/a/6c03efee-c76a-4ab8-fe2e-555683f90900)