13 Avela ine paše e jevrejengoro prazniko Pasha, i o Isus dželo ko Jerusalim. 14 Ano boro e Hramesoro o Isus arakhlja manušen sar biknena guruven, bakren hem goluben. Arakhlja hem okolen so menjinena o pare sar bešena adari. 15 I ćerđa bič oto dorikha hem sarijen kola biknena, sa e bakrencar hem e guruvencar, ikalđa taro Hram. Rasfrdinđa o pare okolengere so menjinena len ine, hem preirinđa lengere astalja. 16 Okolenđe kola biknena goluben phenđa: "Legaren adava akatar! Ma ćeren pijaca mle Dadesere čherestar!"

17 Lesere učenici setinde pe soi pisime ano Sveto lil:

"O mangipe zako to čher ka thabljol ana mande sar jag."