João 6

44 Nijekh našti te avel kora mande te o Dad kova bičhalđa man na privucini le, a me ole ka vazdav taro mule ko Poslednjo dive. 45 Sar so pisinde o Proroci: ‘Sare ka oven sikavde e Devlestar.’ Svako kova šunđa e Dade hem siklilo olestar, avela kora mande. 46 Niko na dikhlja e Dade sem okoleste kova alo olestar – ov dikhlja e Dade. 47 Čače, čače vaćerava tumenđe: Svako kova verujini ana mande, isi le večno dživdipe.