13 I e jevrejengere vođe bičhalde koro Isus nesave farisejen hem e manušen kola podržinena e Irode te dolen e Isuse ko bišukar lafi.
14 On ale koro leste hem phende: "Učitelju, džanaja da vaćereja o čačipe hem na ićereja nikasiri strana, adalese so na dikheja koi kova, nego čačimase sikaveja o drom e Devlesoro. Vaćer amenđe so mislineja? Valjani li amen o Jevreja te da o porez e rimesere carose ili na? Te platina ili na?"
17 Tegani o Isus phenđa lenđe: "Onda den soi e carosoro e carose, a soi e Devlesoro e Devlese."
I on inele but zadivime lesere vaćeribnaja.
O sadukeja pučena e Isuse zako uštiba taro mule
(Mt 22,23–33; Lk 20,27–40)
18 Tegani ale koro Isus hem nesave sadukeja, kola vaćerena da nane uštiba taro mule, i pučle e Isuse:
28 Tegani alo jekh učitelj e Zakonestar, kova šunđa lengiri rasprava. Dikhlja so o Isus šukar phenđa lenđe, i pučlja le: "Oto sa o naredbe, savi najbari?"
29 O Isus phenđa: "Akajai najbari: ‘Šun, Izraele! O Gospod, amaro Devel, samoi ov Gospod! 30 Volin e Gospode te Devle, sa te vileja, sa te dušaja, sa te gođaja hem sa te zoralipnaja.’
31 A i dujtoi: ‘Volin te pašutne sar korkore tut.’ Nane po bare naredbe akalendar."