53 I legarde e Isuse koro prvosvešteniko, i čedinde pe sa o šerutne sveštenici, o starešine hem o učitelja e Zakonestar.
55 A o šerutne sveštenici hem sa o sabor rodena ine nesavo svedočiba protiv o Isus sar te šaj ćeren te ovel mudardo, ali našti ine te arakhen le. 56 A but džene svedočinena ine hovavne protiv oleste, ali lengoro vaćeriba na inele sar jekh.
61 A o Isus trainđa hem ništa na vaćerđa.
Tegani o prvosvešteniko pučlja le: "Tu li injan o Hrist, o Čhavo e Blagoslovime Devlesoro?"
62 O Isus phenđa: "Oja, me injum. Hem ka dikhen man, e Čhave e manušesere, sar bešava ko počasno than, oti desno strana e Najzorale Devlesiri hem sar avava upro oblaci e nebosere."
63 Ko adava o prvosvešteniko pharavđa ple šeja oti holi hem phenđa: "Na valjani amenđe više svedoci! 64 Šunđen sar hulinđa upro Devel! So mislinena?"
I sarijengiri osuda inele da zaslužini te merel.