Marko 7

9 Hem phenđa lenđe: "Ko šukar način arakhljen te čhinaven e Devlesiri naredba sar te ićeren tumare adetija! 10 Adalese so o Mojsije phenđa: ‘Poštujin te dade hem te daja’ hem: ‘Ko dela armanja pe dade ili pe daja, nek ovel kaznime meribnaja.’ 11 A tumen vaćerena: ‘O manuš šaj te phenel pe dadese ili pe dajaće: Sa soja šaj ine te pomožinav tut, već haljum sovli dai adava korbani, so značini daro e Devlese’, 12 i ađahar na mukena lese ništa više te pomožini pe dadese ili pe dajaće. 13 Ađahar čhinavena e Devlesoro lafi tumare adetencar saven sikavena averen. Hem pana but so ađahar ćerena."