Mateus 13

13 Adalese vaćerava lenđe ano priče, adalese so anglo jaćha na dikhena hem anglo kana na šunena ni na haljovena. 14 Ađahar upro lende pherđola o proroštvo e Isaijasoro:

‘Ka šunen hem ka šunen,

ali naka haljoven;

ka dikhen hem ka dikhen,

ali naka pendžaren.

15 Adalese so akale manušengoro vilo ulo pharo,

phareste šunena kanencar

hem phandle pumare jaćha,

te na dikhen jaćhencar

hem te na šunen kanencar,

a vileja te na haljoven.

Adalese našti te irinen pe kora mande

te sasljarav len.’