10 O učenici pučle le: "Sose onda o učitelja e Zakonestar vaćerena da prvo o Ilija valjani te avel?"
11 A o Isus phenđa lenđe: "Čače prvo o Ilija avela hem palem ka čhivel sa than thaneja. 12 Ali phenava tumenđe: o Ilija već alo, ali on na pendžarde le, nego ćerde oleja sar olenđe manglja pe. Ađahar hem o Čhavo e manušesoro ka patini olendar."
13 Tegani o učenici halile so adava vaćerđa lenđe e Jovanestar e Krstiteljestar.
O Isus ikali e demone e čhavorestar
(Mk 9,14–29; Lk 9,37–43)