O poniznai najbare ano carstvo e nebosoro
1 Tegani o učenici ale koro Isus hem pučle le: "Koi, onda, najbaro ano carstvo e nebosoro?"
2 O Isus vičinđa kora peste jekhe čhavore, čhivđa le maškar olende 3 hem phenđa: "Čače vaćerava tumenđe, te na obratinđen tumen hem te na uljen sar o čhavore, naka đerdinen ko carstvo e nebosoro. 4 Adalese, ano carstvo e nebosoroi najbaro okova kova ovela ponizno sar akava čhavoro. 5 I svako kova primini jekhe esavke čhavore zbog maje, man primini."
O Isus upozorini da o iskušenja ka aven
(Mk 9,42–48; Lk 17,1–2)
6 "Te neko ćerela jekhe akale najtikore manušendar, kola verujinena ana mande, te perel ano greh, po šukar ka ovel lese ine ki men te ovel lese phandlo baro bar hem te ovel tasavdo ano hor e moresoro.
10 Pazinen te na dikhen po tele nijekhe akale najtikore manušendar. Adalese so, vaćerava tumenđe, lengere anđelja ko nebo stalno terđovena anglo mlo Dad, kovai ano nebo.