Mateus 19

O carstvo e Devlesoroi okolenđe kolai ponizna sar o čhavore

13 Tegani o manuša ande anglo Isus pumare čhavoren te čhivel ple vasta upro lende hem te molini pe, a o učenici braninde lenđe.

14 A o Isus phenđa: "Muken e čhavoren te aven kora mande hem ma braninen lenđe, adalese so esavkenđe pripadini o carstvo e nebosoro!"

15 I čhivđa ple vasta upro lende hem blagoslovinđa len, a palo adava dželo adathar.