18 Sar o Isus nakhela ine uzalo e Galilejakoro jezero, dikhlja e duje phraljen, e Simone vičime Petar hem e Andreja, sar frdena o mreže ano pani, adalese so inele manuša so dolena maćhen.
19 I phenđa lenđe: "Phiren pala mande hem me ka ćerav tumen te dolen manušen sar maćhen!"
20 On odmah ačhavde pumare mreže hem džele palo leste.
21 Kad džele adathar hari po dur, o Isus dikhlja avere duje phraljen, e Jakove hem e Jovane, sar pumare dadeja e Zevedeja bešena ano čamco hem popravinena pumare mreže. O Isus vičinđa hem olen. 22 I on otojekhvar ačhavde o čamco hem pumare dade hem džele palo leste.
O Isus sasljari e nambormen
(Lk 6,17–19)