O Isus sikaj oto dejba e čororenđe
1 O Isus phenđa: "Pazinen! Ma ćeren šukaripe anglo manuša, sar te dikhen tumen aver džene, adalese so, te ćerđen ađahar, tumaro Dad kovai ano nebo naka del tumen nagrada.
2 Adalese, kad deja e čororenđe, ma mothov adava javno. Ađahar ćerena e dujemujengere ano sinagoge hem ko droma sar te hvalinen len o manuša. Čače vaćerava tumenđe, aver nagrada sem adaja naka dobinen. 3 Nego, kad deja e čororenđe, te na džanel to levo vas so ćerela to desno. 4 De e čororenđe garandoj, a to Dad, kova dikhela soi ćerdo ano garavdipe, ka nagradini tut."
O Isus sikaj e učenikonen sar te molinen pe
(Lk 11,2–4)