15 I phenđa: "Arakhen tumen e hovavne prorokonendar. On avena kora tumende urjavde sar bakre, a andrali divlja ruva. 16 Palo lengere plodija ka pendžaren len. Na čedena pe o drakha oto kare, ni o smokve oto čičke. 17 Ađahar, svako šukar kaš dela šukar plodija, a o bišukar kaš dela bišukar plodija. 18 O šukar kaš našti del bišukar plodija, ni o bišukar kaš našti del šukar plodija. 19 Svako kaš savo na dela šukar plodija, čhinela pe hem frdela pe ani jag. 20 Adalese, e hovavne prorokonen ka pendžaren palo lengere plodija."
O carstvo e nebosoroi zako poslušna učenici
(Lk 13,25–27)
21 "Ano carstvo e nebosoro naka đerdinen sare kola vaćerena maje ‘Gospode, Gospode’, nego samo okola kola ćerena i volja mle Dadesiri kovai ano nebo. 22 Ko adava dive kad ka ovel o sudo, but džene ka vaćeren maje: ‘Gospode, Gospode, na li amen tuće ano anav prorokujinđam, ispudinđam e demonen hem ćerđam bare čudesija?’ 23 Tegani phravdeste ka phenav lenđe: ‘Nikad na pendžarđum tumen. Džan mandar, tumen kola phagena e Devlesoro zakoni!’ "
O mudra manušai poslušna e Isusesere sikavibnase
(Lk 6,47–49)