14 Mle phraljalen, te neko vaćeri da isi le vera, a nane le šukar delja, lesiri vera na vredini ništa. Šaj li te spasini le esavki vera? Na! 15 Te nesavo phral ili phen nane len so te urjaven ili nane len dovoljno hajbnase, 16 a neko tumendar phenela lenđe: "Mangava tumenđe sa najšukar, tačoven hem čaljoven!", a na dena lenđe okova so valjani lengere telose, savi korist adalestar?

17 Ađahar hem tei i vera korkori, te nane la delja, ondai muli.