Asab okkolor ham 18

Korontiyo šohorot Paulos

1 Iyar bade Paulose Aten šohor sari Korontiyo šohorot giye. 2 Heṛe Akila name ekzon Ihudi manuš loi deha oiye. Pontus destrikot Akila zormo oil. Badša Klaudiuse har Ihudi okkolore Rom šohorottu zaitogoi hokum dil, hetolla kissu din age Akilaye hitar bou Priskillare loi Itali dešottu Korontiyo šohorot aigilgoi. Paulose hitarar heṛe giye. 3 Kiyollahoile Paulos o hitarar ḍoilla ṭambu banaoya aššil. Hibaye hitarar fũwati taki ham gora doijje.