Jovan 20

O Isus sikadilo e Marijaće andar e Magdala

11 A e Marija ačhelas avri anglo limori thaj rovelas. Sa ande jasva, zavirisarda ando limori 12 thaj dikhla e duj anđelurja sa ando parno sar bešen po than kaj sas e Isusesko telo, jek po than kaj sas e Isusesko šoro a aver po than kaj sas lešće pungre.

13 E anđelurja phučline lat: "Manušnjije, sostar roves?"

A e Marija phendas lenđe: "Inđardine mungre Gospode thaj či džanav kaj čhutine les!"

14 Kana phendas godova, bolda pe thaj dikhla e Isuse sar ačhel, ali či pindžarda kaj si godova vo.

15 O Isus phučla lat: "Manušnjije, sostar roves? Kas rodes?"

Voj gndisarda kaj si godova o baštovano, thaj phendas: "Raja, ako tu inđardan les, phen manđe kaj čhutan les, me džava pale leste thaj lava les."

16 Askal o Isus phendas laće: "Marijo!"

Voj bolda pe thaj phendas lešće pe židovsko čhib: "Raboni!", so značil: "Učiteljina!"

17 O Isus phendas laće: "Na inćar man akate, kaj još či đelem opre, ko Dad. Nego dža ke mungre phral thaj phen lenđe: ‘Džav opre, ke mungro Dad thaj ke tumaro Dad, ke mungro Del thaj ke tumaro Del.’ "

18 Thaj e Marija andar e Magdala đeli thaj javisardas e učenikonenđe: "Dikhlem e Gospode."

Thaj phendas lenđe okova so o Isus phendas laće.