João 8

O Isus jartol e bezehale manušnjaće

1 A o Isus đelo pe Maslinsko Gora, 2 pa detharin palem avilo ando Hramo. Sa o them ćida pes oko leste. Vo bešlo thaj teljarda te sikavel len.

3 A e zakonešće učitelja thaj e fariseja andine jećhe manušnja savi sas astardi ando preljub thaj čhutine lat maškare anglo them. 4 Askal phendine e Isusešće: "Učiteljina, akaja manušnji si astardi kana ćerda preljub. 5 O Mojsije ando zakon zapovedisardas amenđe te kasave manušnjen mudaras gajda kaj čhudasa bara pe lende. So tu phenes pe godova?"

6 Godova phučline te iskušin les, sar avilosas len vareso pale soste te optužin les.

A o Isus samo banđilo thaj teljarda te ramol vareso e najesa pe phuv.

7 Ali, sar von vi majdur phučenas les, o Isus uspravisajlo thaj phendas lenđe: "Ko tumendar nikada či ćerda bezeh, neka prvo čhudel o bar pe late."

8 Askal palem banđilo thaj nastavisarda te ramol pe phuv.

9 Kana godova ašundine, teljardine te džantar jek po jek; e majpurane đeletar prve. Po krajo o Isus ačhilo korkoro e manušnjasa savi još uvek ačhelas angle leste.

10 Askal o Isus uspravisajlo thaj phučla lat: "Manušnjije, kaj si akala? Zar khonik či osudisarda tut?"

11 A voj phendas: "Khonik, Gospode."

Askal o Isus phendas laće: "Ni me či osudiva tut. Dža thaj katar akana na ćer majbut bezeh!"]*8,11 Ande majpurane rukopisurja naj akala stihurja 7,53–8,11.