మత్తయి 2

తూర్పు దెసొ మనమానె దర్సించితె అయివురొ

1 రొజా యీలా హేరోదు దినోనె బెల్లె యూదయ దెసొరె బేత్లెహేమురె యేసు జొర్నైలా ఎంట్రాక ఇదిగొ తూర్పు దెసొలింకె యెరూసలేముకు అయికిరి. 2 "యూదునెకు రొజగా జొర్నైలాట కేటె? తూర్పురె అమె నక్సిత్రం దిక్కిరి తాకు పూజించితె అయించొ" బులి కొయిసె.

3 రొజా యీలా హేరోదు యే కొతా సునిలా బెల్లె సెయ్యె, తాదీకిరి తల్లా యెరూసలేమురొ మనమానల్లా కలవరం పొడిసె. 4 ఈనె హేరోదు *2:4 24 గుంపునె కలిగిలా యూదునెరొ యాజకూనెకు నాయకులు అంకు సద్దుకయులు బులికిరి కూడా డక్కుసె ప్రదానయాజకూనెకు, మనమానె బిత్తరె తల్లా *2:4 మోసే దిల్లా దర్మసాస్త్రంకు చదివికిరి ప్రజానెకు వివరించిలా నాయకులునెసాస్త్రీనెకు సొబ్బిలింకు సమకూర్చికిరి, క్రీస్తు కేటె జొర్నైవొ? బులి తంకు పొచ్చరిసి. 5 తంకె "యూదయ దెసో బుల్లా బేత్లెహేమురె" బులి సమాదానం కొయిసె. ఎడగురించి ప్రవక్త యాకిరి రాసిసి.

6 యూదా దెసొరొ బేత్లెహేము! తూ యూదయ పాలకులకన్నా తక్కువ ఈలాటను! కిరుకుబుల్నే,

తోబిత్తరెతీకిరి జొనె పాలకుడు అయివాసి.

సెయ్యె మో మనమానె యీలా ఇస్రాయేలుకు జొగిలొతాగా తాసి.

7 సే తరవాతరె హేరోదు తెలివిలింకు రహస్యంగా డక్కిపించికిరి సే నక్సత్రం తంకు దిగదిల్లా కలొ తెలిసిగిచ్చి. 8 తంకు బేత్లెహేముకు పొడదీసి. "సే జొర్నైలా పిల్ల గురించి పూర్తిగా తెల్సిగీండి, సే పిల్లాసుకు దిగిలా తరవాతరె మెత్తె అయికిరి కోండి, సెల్లె మియ్యంకా అయికిరి ఆరాదించుంచి" బులి కొయిసి.

9 తంకె రొజా కొతానె సునికిరి తంకె బట్టరె తంకె బాజీసె. తంకె తూర్పు దిక్కురె దిగిలా నక్సత్రం తంకు అగరె జేకిరి సే పిల్లాసొ రొల్లా గొరొ ఉంపరె టారిసి. 10 తంకె సే నక్సిత్రముకు దిక్కిరి బడే సంతోసించిసె. 11 గొరొ బిత్తరుకు జేకిరి సే సన్నిపిల్లాసుకు తంకె మా మరియ దీకిరి తవ్వురొ దిగిసె. తంకె తా అగరె మోకరించికిరి పురువుకు ఆరాదించిసె. సే తరవాతరె తంకె దన్నైలా మూటానె పిటికిరి తాకు విలువైలా కానుకానె సున్న, సాంబ్రాని, బోలం, పురువుకు సమర్పించిసె .

12 పురువు తంకు హేరోదు పక్కు జేతెనాబులి సే తెలివిలింకెకు హెచ్చరించిసి. సడకు తంకె దెసొకు తంకె ఇంగుటె బట్టరె బాజేసె.