33 Aduga makhoina "Kokki saru akangba"” kouba mapham aduda laklabada makhoina Ibungobu amadi phattaba touba makhoi anibu amana Ibungogi yetta amana oida crossta pang tingkhi. 34 ✝23:34 Isei 22:18Adudagi Jisuna hairak-i, "Ipa, makhoibu kokpiyu, maramdi makhoina kari touribano haibadu makhoina khangjade."”

Aduga lanmising aduna Ibungogi phironsing adubu laibak chang yengnaduna yennarammi. 35 ✝23:35 Isei 22:7Miyam aduna leptuna yenglammi amasung Jihudigi luchingbasing aduna Ibungoda keramnarammi. Makhoina hairak-i, "Mahakna atoppa misingbudi kanbikhi. Mahak asi Tengban Mapuna khandoklaba, Christa adu oirabadi mahak masasu kanjasanu."”

36 ✝ 23:36 Isei 69:21 Aduga lanmising adusu laktuna Ibungobu noknarammi. Makhoina Ibungoda asinba yu piraduna, 37 hairak-i, "Nahakna Jihudigi ningthou oirabadi nasamakpu kanjou."”

38 Amasung Ibungogi kokthaklomda "Masi Jihudigi ningthouni"” haina Greek, Latin amadi Hebrew londa iba ayiba ama thetlammi.

39 Aduga Ibungogi nakanda yalliba phattaba toubasing adugi maraktagi amana Ibungobu thina ngangladuna hairak-i, "Nahakna Christa oirabadi nasabusu amadi eikhoibusu kallu."”

40 Adubu atoppa phattaba touba ama aduna mahakpu cheiraduna hairak-i, "Nahak Tengban Mapubu kidabara? Mahakna phangba cheirak adumak nahaknasu chap manana phangli. 41 Adumakpu eikhoinadi achumba cheirak adu phangli maramdi eikhoina toujaruba thabakki phangbada matik chaba adu eikhoina phangjari. Adubu nupa asinadi aranba kari amata toukhide."” 42 Aduga mahakna Jisuda hairak-i, "Jisu, nahakna nahakki ningthou leibak changbada eibu ningsingbiyu."”

43 Maduda Jisuna mangonda hairak-i, "Eina nangonda tasengnamak hairibasini, ngasi nahakna eiga loinana Paradise-ta leiminnagani."”