12 Ó gura fuain ókkol, añí tuáñrar hañse etollá lekír,

kiyólla-hoilé Mosihr name toh tuáñrar guná ókkol maf gorídiya gíyeh.

13 Ó baf ókkol, añí tuáñrar hañse etollá lekír,

kiyólla-hoilé tuáñra toh Ubá re sinó zibá foóila cúrut lóti asé.

Ó juwan ókkol, añí tuáñrar hañse etollá lekír,

kiyólla-hoilé tuáñra toh Ibilíc ore ziti aiccó.

Ó fuain ókkol, añí tuáñrar hañse etollá leikkí,

kiyólla-hoilé tuáñra toh Baf ore sinó.

14 Ó baf ókkol, añí tuáñrar hañse etollá leikkí,

kiyólla-hoilé tuáñra toh Ubá re sinó zibá foóila cúrut lóti asé.

Ó juwan ókkol, añí tuáñrar hañse etollá leikkí,

kiyólla-hoilé tuáñra mozbut;

tuáñrar bútore Allar kalam táke,

aar tuáñra Ibilíc ore ziti aiccó.

15 Duniyai re yáh duniyait asé de honó kessú re muhábbot no goijjó. Zee niki duniyai re muhábbot goré, ítar bútore Baf or muhábbot nái.