Alla óilde muhábbot
7 Ó adorja ókkol, aiyó, añára ezzon ore ezzone muhábbot gorí, kiyólla-hoilé muhábbot toh Allar torfóttu. Zee niki muhábbot goré íte Alla ttu zormo óigiyoi aar íte Alla re siné. 8 Aar zee niki muhábbot no goré íte Alla re no siné, kiyólla-hoilé Alla óilde toh muhábbot.
16 Alla ttu añára lla ze muhábbot asé híyan añára zani edde biccác gorí.
Alla óilde muhábbot; zee niki muhábbot or bútore zari táke íte Allar bútore zari táke, aar Alla ítar bútore zari táke.
19 Añára etollá muhábbot gorí, kiyólla-hoilé age Íba ye añára re muhábbot goijjé. 20 Zodi honókiye endilla hoó, "Añí Alla re muhábbot gorí," montor nizor bái ore nafórot goré, íte misákur; kiyólla-hoilé zee niki deikká bái ore muhábbot no goré, íte andeikká Alla re keéngori muhábbot gorí faribó? 21 Añára Íbar torfóttu e hókum faiyí de ki, zee niki Alla re muhábbot goré ítar ttu nizor bái ore yó muhábbot gorá foribó.