Atos 8

32 Manúc cwa ye pak-kalam or ze híssa gán telawot gorér híyan óilde yián,

"Zoorái bolla bérasóol ore zendilla gori loiza zah,

Íba re héndilla góri loiza giyéh;

aar nizor keñc haṛoyar muúntu bérasóol or sóo ye zendilla nizám ói táke,

héndilla Íba ye yó Nizor muk nó kúle.

33 Íba re beizzoti goijjíl de híyan or honó bisar nó faa.

Hone Íbar nosól or baabute hoói faribó?

Kiyólla-hoilé duniyai ttu Íbar zan loifélagil."*8:33 Yesáyah 53:7,8

34 Hé uzir gwá ye Filíp ottu fusár gorér de, "Meérbani góri añré hoó, nobi ye iín har baabute hoór deh, nizor né náki oinno zon or?" 35 Hétunot Filípe hotá howá sáat goijjé, aar pak-kalam or hé híssa gán lói cúru gorí yóggwa re Isár baabute kúchóbor tobolik goijjé.