3 Nizor fáidar niyote yáh barík kúwalai bolla kessú no goijjó, bólke niróc ói oinno zon ore nizor túaro uttom báfiyo. 4 Siríf nizor fáida no saiyó, oinno zon or fáida yó saiyó.
5 Tuáñrar bútore e kíyal rakó ziyán Mosih Isá ttu yó accíl:
6 Íba toh Allar súrote accíl de óile yo,
Allar fúainnagiri re sibi dóri rakídito nó saá,
7 bólke Íba ye Nizoré háli gorífelail,
gulam boni,
insán ísafe zonom loi yore.
8 Íba ye insáni cokóle táki,
moot foijjonto, hoitó sailé, kúruc or uore more foijjonto fórmadar ói yore
Nizoré niróc goijjíl.