35 Hétolla, tuáñrar hé hímmot no háraiyo, kiyólla-hoilé híyan or boccíc bicí ḍoóñr. 36 Tuáñra ttu sobór tákar zorur, zeéne tuáñra ttu Allar moncá fura goijjá óile, waada goijjíl de híyan hásil goró. 37 Alla ye toh hoiyé,

"Ṭaim bicí hom asé,

tói aibár asé de Íba aáizayboi,

deri no goríbo.

38 Montor Añr forhésgar bonda imane beh basi tákibo,

montor zodi íte fissázagoi, Añr dil ítare lói kúci no tákibo."*10:38 Hábakkuk 2:4

39 Montor añára toh uitarár bútottu no, zetará fisságiyoi aar dónco óigiyoi; bólke uitarár bútottu éna zetará ruh re basai rakí bolla iman raké.