João 20

Isá ye Tómas ore dahádiye

24 Montor Tómas, zibá baró zon cárit tun ottu ezzon, zibá re Zooñikka*20:24 Tómas óilde Arámik lofzó, Didimus óilde Girík lofzó, duníyan or maáni Zooñikka ḍake, yóggwa Isá aiccíl de héñtte ítarar fúañti nu accíl. 25 Hétolla oinno cárit tune yóggwa re hoór de, "Añára Malik ore deikkí."

Montor yóggwa ye ítara re hoór de, "Zetún añí Íbar duní át ot zoloir dak nó dekí aar zoloir zaga híyan ot añr ooñl gólai nó dí edde Íbar ḍák ot añr át gólaidi nó saái, hétun añí biccác no goijjúm."

26 Yár añcṭo din baade, Íbar cárit tun abar gór or bútore zoma óiye, aar Tómas óu ítarar fúañti accíl. Duwar ókkol bañdá de óile yo, Isá aái ítarar mazé tíyaiye, aar hoór de, "Assalamu alaikum." 27 Baade Íba ye Tómas ore hoór de, "Tor ooñl eṛé an, aar Añr át saá; tor át Añr ḍák ot gólaide. Nabiccác no goríc, bólke biccác gór."

28 Tómase zuwabe Íba re hoór de, "Ó añr Malik, añr Alla!"

29 Isá ye yóggwa re hoór de, "Tómas, tui toh Añré deikkós de hétolla éna iman ainnós. Mubarek uitará zetará Añré no dekíle yo toóu iman ané."