22 Ze alem ókkol Jerúsalem ottu nise aiccé, ítara hoór de, "Ibá re Belzebule3:22 Belzebul óilde cóitan or ar ekkán nam ziyán maincé ítare beizzoti gori ḍake. faiyé. Ibá ye bút dáfa de bút ókkol or sóddar or taakote."
23 Hétolla Isá ye ítara re matai ekkán meésal dí hoór de, "Cóitane keéngori Cóitan dáfai fare? 24 Zodi honó raijjot faáṭa-faáṭi foida ó, híyan toh ṭiki táki no fare. 25 Aar zodi honó gór ot faáṭa-faáṭi foida ó, híyan óu ṭiki táki no fare. 26 Héndilla, zodi Cóitane nizor ulḍa nize ói faáṭ-faáṭ óizagoi, íte toh ṭiki táki faribár nái, bólke íte hótom óigiyoi. 27 Honókiye boluwar manúc or gór ot góli yóggwar cómbotti luṭ gorí no fare, zodi age boluwar manúc yóggwa re bañdí no ere. Bañdí erilé éna yóggwar gór luṭ gorí faribó.
28 "Añí tuáñra re sóiyi hoóir, adomzat or tamám guná edde ítara goré de kuféri ókkol maf gorídiya zaybo, 29 montor zee niki Pak-Ruhr ulḍa kuféri goré, íte bilkúl maf no faibo, bólke abadulabadi gunár hosúrbon ṭóoribo."
30 Isá ye hotá híin kiyólla hoiyé hoilé, alem ókkole hoiyé de, "Íba re hóraf jine faiyé."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)