Marcos 3

Isár maa edde báiyain

31 Yárbaade héṛe Isár maa edde báiyain aiccé, aar baáre tíyai táki Íba re mataitó difeṛáiye. 32 Íbar sairókul ttu ek dol manúc boiṛá accíl; ítara Íba re hoór de, "Soó, Tuáñr maa edde báiyain baáre Tuáñr talac gorér."

33 Íba ye zuwabe ítara re hoór de, "Añr maa hon? Aar Añr báiyain hontará?"

34 Baade Íba ye zetará Íbar sairókul ttu boiṛá asé, ítarar uzu saái hoór de, "Ótiya, Añr maa edde Añr báiyain. 35 Kiyólla-hoilé zee niki Allar moncá mozin sole, yóggwa óilde Añr bái, bóin, aar maa."