Marcos 8

Betsáida farat ek añdá re gom goijjé

22 Tarfore ítara Betsáida farat aiccé. Aar maincé ek añdá manúc ore Isár hañse ainné, aní Íba re fóriyat goijjé de, yóggwa re súito. 23 Íba ye añdá manúc cwa re át ot dóri farar baáre loigiyé, aar yóggwar suk ot sép dí baade Íbar duní át yóggwar uore dí fusár gorér de, "Tuñí kessú dekór né?"

24 Yóggwa ye uormikká saái hoór de, "Añí manúc ókkol dekír, ítara re saité gas áñṛer fán lager."

25 Isá ye abar Nizor át yóggwar suk ot diyé, hétunot yóggwa ek díyane saái táikke. Yóggwa agor ḍóilla gom óigiyoi, aar hárr kessú sáf-sáf góri dekí faijjé. 26 Baade Íba ye yóggwa re eén hoói gór ot duñraidiyé, "Farat úddwa no góillo."