2 Hé októt ezzon kurus biyaraimma ye aái Íba re sóida gorí hoór de, "Ó Malik, Tuñí sailé añré pak-sáf gorí faribá."
3 Isá ye Nizor át barái yóggwa re dóri hoór de, "Añí saái; pak-sáf óizogoi." Tói éhon or bútore yóggwa kurus biyaram ottu pak-sáf óigiyoi. 4 Baade Isá ye yóggwa re hoór de, "Saiyó, yián honókiyo re no hoiyó; bólke zoo, nizoré imam or hañse dahógoi, aar maincór hañse gobá ó fan, Muúsa ye hókum díye de hé kurbani dogói."
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)