Romanos 8

35 Hétolla añára re Mosihr muhábbot ottu kiyé alok gorí faribó? Mosibote né? Ferecani ye né? Zulúme né? Feṛor búkke né? Hoorsuor or homi ye né? Afotbifote né? Duccon or toluware né? 36 Pak-kalam ot endilla asé,

"Tuáñr lla bóuli añára dinbór moot or hótorat fori;

maincór nozor ot añára zooráibo de bérasóol or ḍóilla."*8:36 Zobur 44:22

37 Montor añára toh zibá ye añára re muhábbot goijjé Íbar duara híin beggún ore furafuri fóta gorífelai.